Taller de Astronomía

Como xa sabedes, estamos a desenvolver o noso proxecto "Unha viaxe polo espazo", e para coñecer máis en profundidade ao Sol e aos planetas, visitounos Ana Ulla, presidenta da Fundación Ceo, Ciencia e Cultura, quen nos presentou un power point, "O sol e a súa familia" con información e imaxes moi interesantes. A maiores, e grazas ao Mago Merlín, fío condutor da historia, foinos presentando cada un dos planetas, e contando as súas curiosidades. Despois deste pequeno visionado, realizamos dúas actividades que nos encantaron. A primeira era poder ver de cerca un planetario, e poder observar o movemento planetario; e a segunda foi facer cráteres, como os da lúa. Para iso, precisamos fariña, colacao, e laca, e sobre todo uns meteoritos (pedriñas pequenas). Despois, e dado que estivemos moi atentos, Ana otorgounos a cada un de nós un diploma de astrónomo.

Queredes escoitar o conto a que sabe a lúa?

Só teredes que premer neste video do you tube, e poderedes escoitar esta divertida historia, que os cativos e cativas de cinco anos escoitamos e representamos.

A que sabe a lúa?



Sabela trouxo a aula un conto especial e espacial. Este conto nárranos as aventuras e desventuras que sofren varios animais para poder tocarlle e desgustar a lúa, ata que por fin.... a saborean compracidos. Aquí tendes a todos os animais tentando tocar a lúa.



E a vós, a que vos sabe a lúa?

Que sabemos sobre o espazo?

Non podiamos empezar este proxecto sen conversar na asemblea cos cativos e cativas e preguntarlle sobre as súas ideas sobre o espazo, o que alí había, os planetas, o sol, o universo...... Así pregunteilles
Que é o Sol?

Rosana: es un planeta que es todo de fuego para que nos de calor a nosotros. y luego se marcha a dormir y viene la luna.
Profe: como é o sol?
Lorena: o Sol é redondo
Profe: onde está o sol?
Diana: o Sol está no ceo. É redondo. A luna tamén vive no ceo. Ademais cando morren os humanos tamén están no ceo
Samuel: a luna duerme
Profe: cando?
Samuel: cando está dormida, cando sea de noite.
David: la luna duerme cuando nosostros estamos despiertos y está despierta de noche
Santi: a luna ten buratos, e é de queixo.
Profe: por que é de queixo?
Santi: porque é blanca e o queixo tamén é blanco
Profe: como é a lúa?
Paula C. : é redonda
Brais: a luna é redonda e así (indica co dedo o cuarto da lúa)
Profe: e por que a lúa a veces está redonda e outras só un cuarto?
Ninguén contestou nada
Sabela: A lúa é redonda pero a veces es media lúa
Sofía: porque algunhas veces córtase e outras está enteira
David: las cortan las estrellas
Unha vez rematada esta primeira asemblea, os cativos e cativas debuxaron o espazo, sempre dende esta visión inicial.


Comezamos a nosa viaxe polo espazo

Acabamos de comezar a nosa VIAXE POLO ESPAZO, e estamos a aprender moitas, pero que moitas cousas sobre os planetas, o sol, o universo, ...... Así neste blog engadimos enlaces e videos interesantes e que nos están a servir na procura de información que estamos levando a cabo. A maiores tamén atopamos varias cancións orixinais e divertidas que cantaremos ao longo deste trimestre, queredes escoitalas?